Diiwaangelinta waxaa lagugu weydiin doonaa

Transkript

1 WAA MAXAY SABABTA LOOGU BAAHAN YAHAY IN AAD AQOONTAADA DIIWAANGELISO? Norway waxaa ka jira xafiisyo dawladeed oo badan kuwaas oo ka shaqeeya in ay dadka ka hagaan waxbarsahda iyo shaqada. Waxay u baahan yihiin in ay aqoontaada ogaadaan si ay kuu hagaan, haddii oggolaasho joogitaan Norway lagaa siiyo. SOMALI

2 Diiwaangelinta waxaa lagugu weydiin doonaa luuqadaha aad taqaanno waxbarashadaadi khibraddaada shaqo firfircoonida aad qaban jirtay waxyaalaha aad xiisayso waxyaalaha aad doonayso in aad barato ama ka shaqayso Xataa haddii aadan iskool soo dhigan ama aadan soo shaqayn, haddana waa muhiim in aad is diiwaangeliso. Dadka ku hagaya waa in ay ogaadaan waxa aad taqaanno iyo waxa aad jeceshahay si ay kaaga caawiyaan sidii aad u samaysan lahayd qorshe waxbarasho iyo mid shaqo. Faa iidada ay leedahay in lays diiwaan geliyo Deeq wanaagsan oo waxbarasho Warbixinta aad diiwaangeliso waxaa loo isticmaalayaa sidii laguu siin lahaa deeqda waxbarasho ee ugu wanaagsan. Haddii aad horay wax u soo baratay, waxaad codsan kartaa in waxbarashadaadii la aqoonsado si aad Norway ugu isticmaasho. Hagis wanaagsan oo la xiriirta shaqada iyo firfircooniyada Norway ka jira Warbixinta khibraddaada shaqo, firfircoonida aad soo qabatay iyo waxa aad jeceshahay in aad qabato, waxay muhiim u yihiin dadka kaala talinaya shaqada iyo firfircoonida Norway. Waxay warbixinta u isticmaali karaan sidii ay hagista u waafajin lahaayeen baahidaada.

3 Xuquuqda soo socota ayaad leedahay Waxaad xaq u leedahay in aad aragto macluumaadka la diiwaangeliyo. Waxaad dalban kartaa in la saxo wixii khalad ah ee macluumaadka ku jira adiga oo la xiriiraya Agaasinka is-dhexgalka- iyo kala-duwanaanta (IMDI), kalana xiriiraya ciwaanka elegtaroonigga ah: post@imdi.no. Macluumaadka lala wadaagi maayo dad aan ahayn kuwa kaala talinaya waxbarashada iyo shaqada. Macluumaadka looma isticmaali doono ka-baaraandegga codsigaaga magangelyada. Sidaan ayaad u diiwaangelinaysaa aqoontaada Si aad isu diiwaangeliso waxaad u baahan tahay lambarkaaga DUF iyo lambar/xarfo sir ah. Lambarka/xarfaha sirta ah waxaa ku siinaya qof ka shaqeeya xerada aad ku jirto. Waxaad sidoo kale u baahan tahay telefoon gacan oo casri ah ama kombiyuutar yar ama mid weyn oo internetka ku xiran. Xerada la xiriir haddii aadan haysan telefoon casri ah ama kombiyuutar yar ama mid weyn oo aad isku diiwaangeliso. Qiyaastii 30 daqiiqo ayay qaadanaysaa in aad is diiwaangeliso. 1. Gelidda Gal bogga internetka ee cv.imdinett.no Dooro luuqadda aad doonayso in aad u ku jawaabto.

4 Waxaa lagu siin doonaa warbixinta diiwaangelinta. Markaad warbixinta akhrisato ayaad waxaad riixaysaa «Sii gudub». Qor lambarkaaga DUF iyo lambarka/xarfaha sirta ah ee lagu siiyay, kaddibna riix «Furo oo gal foomka». Kaddib markaad furato oo gasho waxaad arki doontaa caddayn oggolaasho. Caddaynta oggolaashadu waxay sharraxaysaa sida macluumaadka loo isticmaalayo, cidda arki karta iyo xaquuqda aad leedahay marka la eego beddelidda iyo tirtiradda macluumaadka. Waa in aad shuruudaha aqbashaa si aad isu diiwaangeliso. Haddii aad oggoshahay riix batoonka cagaaran.

5 2. Sidan ayay diiwaangelintu u eg tahay Diiwaangelintu waxay u qaybsan tahay toddoba qaybood: Qaar badan oo doorashooyinka jawaabaha ka mid ah ayaa ah kuwa guud. Su aalaha qaar, sida tusaale ahaan su aasha ku saabsan waxbarashada iyo shaqada, ayaa waxaa sidaas darteed laga yaabaa in aadan helin doorasho jawaab oo si sax ah ugu habboon adiga iyo khibraddaada. Dooro jawaabaha kuwooda kuugu habboon. 3. Sidan ayaad su aalaha uga jawaabaysaa Su aalo kala duwan ayaa diiwaangelinta ku jira. Meelaha qaarkood hal jawaab ayaad dooran kartaa, meela kalena dhawr jawaabood ayaad dooran kartaa: Doorashooyinka jawaabaha ee koobaabinta leh hal jawaab ayaad dooran kartaa.

6 Doorashooyinka jawaabaha ee afargeeska leh dhawr jawaab ayaad dooran kartaa. Doorashooyinka jawaabaha ee santuuqyada cadcad leh waa in aad fallaarta riixdaa si uu kuugu soo baxo liiska jawaabaha la kala dooranayo. Fallaaraha riix si aad u aragto jawaabaha la kala dooranayo oo dhan. Waxaad jawaabta dooranaysaa adiga oo riixaya. Marka aad su aal ka jawaabto su aasha xigta si otomaatig ah ayay u soo baxaysaa. Su aalaha ku sii xigana way kala duwanaan karaan iyada oo ku xiran jawaabahaaga.

7 Calaamaddan waxay sheegaysaa in aadan su aasha weli ka jawaabin. Calaamaddan waxay sheegaysaa in aad isku dayday in aad gudubto adiga oo aan su aasha ka jawaabin. Calaammadan waxay sheegaysaa in aad su aasha ka jawaabtay. Marka aad ka jawaabto su aalaha qayb dhan waxaad isticmaalaysaa batoonka «Sii gudub» si aad u furto qaybta taas xigta. Marka aad ka gudubto si otomaatig ah ayaa loo xaraynayaa macluumaadka aad ilaa iyo markaas diiwaangelisay. 4. Eeg diiwaangelinta oo luuqad kale ku qoran Waxaad arki kartaa diiwaangelintii oo la turjumay. Turjumidda waxaad ku arkaysaa dhinaca su aalaha iyo jawaabahaaga. Riix «Translate form» si aad u dooratid luuqadda aad doonaysid in aad u turjunto. Riix «Hide translation» si aad turjumidda u qarisid. Turjumiddu ma shaqaynayso haddii aad telefoonka gacanta iska diiwaangeliso, waxay ku shaqaysaa oo keliya kombiyuutarrada iyo kombiyuutarrada yaryar ee gacanta lagu qaato. 5. Hakinta diiwaangelinta Diiwaangelinta hakin waad gelin kartaa, laakiin haddii aad ka baxdo waa in lambar/xarfo sir ah oo cusub lagu siiyaa marka aad diiwaangelinta ku noqoto oo sii wadayso.

8 6. Soo koobid Marka aad su aalaha ka wada jawaabto waxaa lagu tusayaa jawaabahaagii oo idil. Haddii aad doonayso in aad wax ka beddesho, waxaad riixaysaa batoonka «Sixitaan ku samee». 7. Diiwaangelinta dhammee Riix «Diiwaangelinta dhammee» markaad diiwaangelinta dhammayso. Diiwaangelintu dhammaan mayso adiga oo aan batoonkan taaban. 8. Waxyaalaha aad beddesho markaad diiwaangelinta dhammaysto kaddib Haddii aad doonayso in aad wax beddesho markaad diiwaangelinta dhammayso kaddib, waa in aad foomka mar kale buuxisaa. cv.imdinett.no