-Haddii aad qabto su aalo kale oo dheeraad ah, waydii dhakhtarkaaga ama shaqaalaha farmasiiga

Transkript

1 Wakaaladda dawooyinka XAASHIDA MACLUUMADKA DAWADA: WARBIXIN KU SOCOTA ISTICMAALAHA NuvaRing, 0,120 mg/0,015 mg 24kii saacadoodba, siil-gelis etonogestrel/etinylestradiol Si taxadir leh u akhri xaashidan macluumaadka ka hor inta aanad bilaabin isticmaalka dawadan. -Kaydso xaashidan macluumaadka, waad u baahan kartaa in aad mar kale akhrido eh. -Haddii aad qabto su aalo kale oo dheeraad ah, waydii dhakhtarkaaga ama shaqaalaha farmasiiga - Daawadan adiga ayaa laguu qoray. Ha siin dad kale. Way dhaawici kartaa iyaga, xiitaa haddii calaamadaha ay isku arkeen u egyihiin kuwaaga Detta läkemedel har ordinerats åt dig. Ge det inte till andra. Det kan skada dem, även om de uppvisar symtom som liknar dina. - Haddii waxyeellooyinka qaarkood kugu xumaadaan ama aad aragto waxyeellooyin aan lagu xusin warbixintan, la xiriir dhakhtarka/umulisadaada ama shaqaalaha farmasiiga. Xaashidan macluumaadka dawada, waxad ka helaysaa warbixin ku saabsan: 1. Waxa ay tahay NuvaRing iyo waxa loo isticmaalo 2. Ka hor inta aanad isticmaalin NuvaRing 2.1 Marka ay tahay in aanad isticmaalin Nuvaring 2.2 Marka loo baahanyey taxadir dheeraad ah laga sameeyo NuvaRing Dhiigxinjirowyo (Tromboser) Kansar Isticmaalka dawooyin kale Baaritaanno shaybaar Uurka Naasi-nuujin Awoodda baabuur wadista iyo isticmaalka mashiinnada 3. Sida aad u isticmaalayso NuvaRing 3.1 Sida aad u gashanayso iyo sida aad isaga bixinayso NuvaRing 3.2 Saddex wiig ha ku jirto, hal wiigna ha baxsanaato 3.3 Gelinta giraanta ugu horraysa 3.4 Waxa aad samaynayso Haddii giraantaadu si kamma ah uga soo baxdo siilka Haddii giraantaadu wakhti kooban ka baxsanaato siilka Haddii giraantaadu dhaawacanto Haddii aad is geliso wax ka badan hal giraan Haddii aad illowdo in aad is geliso giraan cusub muddada bilaa giraanta ah ka dib Haddii aad illowdo in aad iska soo bixiso giraanta Haddii dhiiggaagii caadadu baaqdo Haddii aad hesho dhiigfuran aanad sugayn Haddii aad rabto in aad beddesho maalinta koowaad ee dhiiggaaga caadada Haddii aad rabto in aad dib u dhigto dhiiggaaga caadada 3.5 Marka aad rabto in aad joojiso isticmaalka NuvaRing 4. Waxyeellooyinka ka iman kara 5. Sida loo xafidayo NuvaRing 6. Macluumaad kale Waxa ay NuvaRing ka koobantahay Sida ay u egtahay NuvaRing iyo waxa ku dhex jira baakadda Cidda haysata ruqsadda iibinta iyo cidda samaysay 1

2 Xaashidan macluumaadka waxa la ansixiyey markii ugu dambaysya: Wakaaladda dawooyinka WAXA AY TAHAY NUVARING IYO WAXA LOO ISTICMAALO 54 mm 4 mm NuvaRing waa qalab ka hortag uur oo u qaabaysan sidii guraan-siileed loo isticmaalayo ka hortagga uurka. Giraan kasta waxa ku jira xaddi yar oo ah laba hormoon oo kuwa jinsiga haweenka ah - etonogestrel iyo etinylestradiol. Giraantu waxay hormoonnadaas si tartiib ah ugu sii deynaysaa dhiigmareenka. Xaddiyada yaryar ee hormoonada ah ee la sii deynayo dartood, waxa NuvaRing loo arkaa qalab ka hortag uur oo hormoono ah oo fudud. Maadaama NuvaRing ay sii deynayso laba nooc oo kala duwan oo hormoonno ah, waxay tahay waxa lagu magacaabo qalab ka hortag uureed la xoojiyey oo hormoonno ah. 2

3 Wakaaladda dawooyinka NuvaRing waxay u shaqaysaa isla sida kiniinka la xoojiyey ee ka hortagga uurka, halka laga qaadanayo hal kiniin maalin kasta, waxa la isticmaalayaa giraanta 3 wiig oo xidhiidh ah. NuvaRing waxay sii deysaa laba hormoonnada jinsiga ee dumarka ah kuwaas oo ka joojinaya ugxanta inay ka soo fuqaan siyaddayaasha ugxanta. Haddii wax ugxan ahi soo fuqi waydo, ma uuraysan kartid. 2. KA HOR INTA AANAD ISTICMAALIN NUVARING Warbixin guud Xaashidan macluumaadka dawada, waxa lagu qeexayaa xaalado badan oo ah marka aad iska joojinayso NuvaRing ama marka ay NuvaRing noqon karto mid aan la isku hallayn karin. Xaaladaha noocaas ah ma samaynaysid galmo ama waxa aad isku difaaci doontaa qalab uur ka hortag oo aan hormoonno ahayn sida isticmaalka kondhomka ama hab xannibaadeedyo kale. Ha adeegsan xilliyada ammaanka ah ama hababka heerkul cabbirka. Hababkaasi waxay noqon karana qaar aan hubaal ahayn sababtoo ah NuvaRing waxay saamayn ku yeelan kartaa isbedellada billaha ah ee xaraaradda jirka iyo dheecaamada siilka. Si la mid ah hormoonada kale ee lidka uuraysiga, ma difaacayso NuvaRing infakshanka HIV (Aids) ama cudurada kale ee galmada lagu kala qaado. Ha isticmaalin NuvaRing Xaaladaha qaarkood ma isticmaalaysid kiniinka la xoojiyey ee ka hortagga uurka. Haddii xaaladaha soo socda midkood ku quseeyo, u sheeg dhakhtarkaaga/umulisadaada. Wuxu dhakhtarkaagu/umulisadaadu kugula talin karaan in aad isticmaasho hab xakameyn uuraysi oo kale (oo aan ahayn hormoon). Haddii aad qabto (ama aad qaadday mar) Dhiigxinjirow (dhiigxinjirow dhiig arooriyaha) ku dhaca xididdada dhiigga ee lugahaaga midkood, sambabada (lungemboli) ama xubin kale. Calaamadaha suurtogalka ah ee Dhiigxinjirowga ka fiiri qaybta 2.2 Dhiigxinjirowyada (Tromboser). Haddii aad mar uun qaadday wadno-xanuun ama maskax-wareen ama aad qabto (ama uu mar uun kugu dhacay) xanuun noqon kara calaamaddii koowaad ee wadno-xanuun ((sida xididdo-kog lagu garanayo naasoxanuun daran) ama maskaxwareen (sida qabashooyinka koobkooban ee TIA oo ka dhasha ogsajiin ku yaraata maskaxda oo sababa maskax-qallal yar oo aan joogto ahayn). Haddii aad qabt hal ama ka badan oo ah halisaha keeni karta inuu kugu dhaco Dhiigxinjirow xiitaa fiiri qaybta 2.2 ee Dhiigxinjirownada (Tromboser). Haddii aad qabto xanuun saamaynaya awoodda dhiiggu u leeyahay inuu adkaado sida la aanta protein C. Haddii aad qabto ama uu kugu dhacay nooc ka mid ah dhan-jafka lagu magacaabo migrän med aura ; Haddii aad qabto macaan ay la dhaawacmeen xididdada dhiiggu Haddii aad qabto (kugu soo dhacay) xanuun kaaga dhacay qanjidhka ganaca (pankreatit) isla markaana aad leedahay heerar sarreeya oo subagyada dhiigga ah. Haddii aad qabto (uu hore kugu dhacay) beer-xanuun khatar ah oo aanu beerkaagu weli u shaqaynayn si caadi ah Haddii aad qabto ama ay hore kaaga dhacday beerka buro-caanood ama buro-bahalaad. Haddii aad qabto (uu kugu soo dhacay) ama aad tuhunsantahay in aad qabi karto kaansarka naasaha ama macdanta. Haddii aad qabto dhiigfuran macdanta ah oo aan la garanayn sababta. Haddii aad xasaasiyad ku leedahay etinylestradiol ama etonogestrel ama wax ka mid ah maaddooyinka kale ee ku jira NuvaRing. Haddii xanuunadaas midkood kugu bilowdo marka aad isticmaasho NuvaRing, waa in aad dhakhso isaga soo saarto giraanta oo aad la xiriirto dhakhtarkaaga/umulisadaada. Muddadaas 3

4 4 Wakaaladda dawooyinka dhexdeeda waxad isticmaali doontaa ka hortag uuraysi oo aanay ku jirin hormoonno. Taxadir gaar ah ka samee NuvaRing Xaaladaha qaarkood waxad u baahantahay inaad taxadir dheeraad ah samayso marka aad isticmaalayso qalabka ka hortagga uurka ee hormoonnada ah. U sheeg dhakhtarkaaga/umulisadaada haddii xaaladahan midkood ku quseeyo. Xiitaa waa in aad kala hadasho dhakhtarkaaga/umulisadaada haddii xaaladdu isbeddesho ama sii xumaato marka aad isticmaalayso NuvaRing. Haddii qof qaraabo dhow kuu ahi qabo ama mar uun qaaday kansarka naasaha. Haddii aad qabto qallal/suuxdin (fiir qaybta 2.2 ee Isticmaalka dawooyinka kale ) Hadii aad qabto beer-xanuun (sida indhacaseeye/joonis/cagaarshow) ama xannuunnada xammaytida (sida dhagaxa xammaytida). Haddii aad qabto cudurka Crohn ama ulcerös kolit (oo ah cudur mindhicireed barar leh oo aan laga bogsan. Haddii aad qabto SLE (systemisk lupus erythematosus; oo ah cudur saamayn ku yeesha difaacaaga jirka ee dabiiciga ah) Haddii qabto HUS (hemolytiskt uremiskt syndrom, oo ah cudur saamayn ku yeesha awoodda dhiigga ee ah inuu adkaato, waxaanu sababaa kelyo xanuun). Haddii aad qabto xaalad markii ugu horraysay kugu soo baxday ama kugu sii xumaatay uurka dhexdiisa ama markii aad hore u isticmaashay hormoonnada jinsiga (sida dhega-cuslaan, porfyri oo ah [xanuun dhiiga ku dhaca], herpea gestationis [oo ah maqaar ka soobax biyo ku jiraan oo soo baxa uurka dhexdiisa], Sydenhams chorea [xanuun neerfaha ku dhaca oo leh dhaqdhaqaaq jireed oo bilaa ikhtiyaar ah], fiiri qaybta 2 marka ay tahay in aad la xiriirto dhakhtar ), caano-gocato hidde ah(waa in aad degdeg ula xiriirto dhakhtarkaaga haddii aad yeelato astaamo caanogocato sida barar ah wejiga, carrabka iyo/ama dhuunta iyo/ama dhib ka mudasho xagga neefsashada ama ka soo baxa ay weheliso dhibaato xagga neefsashada ah). Haddii aad qabto ama uu kugu dhacay kloasma (oo ah baro-baro maqaarka ah oo ah hurdicawllaan, gaar ahaan wajiga); haddii ay taasi jirto iska ilaali iftiinka badan ee qorraxda iyo fallaaraha ultraviolet. Haddii aad qabto wax cudur ah oo dhibaato kaaga dhigaya isticmaalka NuvaRing- tusaale ahaan haddii aad qabto calool-istaag, makaanka oo hore u soo dhaca ama galmada oo xanuun noqota. Haddii aad mari doonto qalliin ama aad waadh geli doonto wakhti dheer (fiiri qaybta 2.2 Dhiig-xinjirow (Tromboser) Dhiigxinjirow (Tromboser) Dhiigxinjirowga ku dhaca dhiig-arooriyaha Dhiigxinjirow ku dhaca dhiig-arooriye (oo ku caan ah Dhiigxinjirowga arooriyaha ) wuxu xannibi karaa dhiig-arooriyaha. Kaasi wuxu ku dhici karaa lugaha, sambabada (lungemboli), ama xubin kale. Isticmaalka dawooyinka la xoojiyey ee ka hortagga uurka, oo ay ka mid tahay NuvaRing waxay kor u qaadayaan halista ah inay dumarku qaadaaan dhiig-xinjirow, taasoo ka badan ta dumarka aan isticmaalin dawooyinka ka hortagga uurka hormoonnada ah ee la xoojiyey. Halistu ma aha mid u weyn sida halista dhiig-xinjirowga uurka dhexdiisa. Weli ma cadda sida ay NuvaRing u saamaynayso halista in la yeesho Dhiigxinjirow marka loo barbardhigo kiniinka ka hortagga uurka. Halista ah in qof dumar ah oo isticmaasha kiniinka la xoojiyey ee ka hortagga uurka uu ku dhaco dhiig-xinjirow arooriye, waxay sii badanaysaa Mar kasta oo da daadu weyn tahay Haddii aad qabto qof qaraabo dhow ah oo uu yaraantiisii dhiig-xinjirowkaga dhacay

5 Wakaaladda dawooyinka lugta, sambabka ama xubin kale. Haddii miisaankaagu aad u culusyahay Haddii aad u baahantahay in aad marto qalliin ama aad noqonayso qof waadh u yaalla muddo dheer dhaawac ku soo gaadhay dartii ama cudur ama haddii aad qabto lug kabniin ku duubanyahay. Haddii kuwaas wax ka mid ahi ku quseeyo, u sheeg dhakhtarkaaga/umulisadaada in aad isticmaasho NuvaRing maxaa yeelay waxa loo baahan karaa in la joojiyo isticmaalka. Waxa laga yaabaa in dhakhtarkaagu/umulisadaadu kuu sheegto in aad joojiso NuvaRing dhowr wiig ka hor inta aan la bilaabin qalliinka ama marka dhaqdhaqaaqaagu yaraado. Sidoo kale wuxu dhakhtarkaagu kuu sheegi marka aad dib u bilaabayso qaadashada NuvaRing, ee marka aad bogsato. Dhiigxinjirowyada ku dhaca halbawlaha dhiigga Dhiigxinjirow ku dhaca halbowlaha dhiigga wuxu sababi karaa dhibaato weyn. Dhiigxinjirow ku dhaca halbowlaha wadnaha, wuxu sababi karaa tusaale ahaan wadnoxanuun, halka Dhiigxinjirow ku dhaca maskaxda uu keeni karo maskax-wareen/stroke. Isticmaalidda qalabka hormoonnada ah ee la xoojiyey ee ka hortagga uurka, waxay isku xiranyihiin halis kordhaysa oo ah dhiigxinjirowga halbowleyaasha ku dhaca Halistu waxay sii badanaysaa: Mar kasta oo da daadu sii weyn tahay Haddii aad sigaarka cabto om du. Markad isticmaalayso qalabka hormoonka ah ee ka hortagga uurka sida NuvaRing, waxa si adag lagaala talinayaa in aad sigaar cabto, gaar ahaan haddii aad ka weyntahay 35 jir. Haddii miisaankaagu aad u culusyahay haddii aad qabto dhiig-kar. Haddii aad yeelato dhiig-kar marka aad isticmaalayso NuvaRing waxa lagu fari karaaa in aad joojiso isticmaalka. Haddii qof qaraabo dhow kuu ah uu yaraantiisii ku dhacay wadno-xaniin ama maskaxwareen/stroke Haddii aad qabto dux dhiigeed sarraysa (kolesterol ama triglycerider) Haddii aad qabto macaan Haddii uu kugu dhaco dhan-jaf Haddii aad qabto dhibaato xagga wadnaha ah (qalad daboolka wadnaha ah ama khalkhal ku yimaadda garaac wadnaha) om du har problem med hjärtat (klaffel, rytmrubbning). Astaamaha dhiig-xinjirowga arooriyaha ama halbowlaha, ka fiiri afar geestan hoose. Iska soo bixi NuvaRing oo si dhakhso leh ula xiriir dhakhtarkaaga/umulisadaada haddii aad yeelato calaamado Dhiigxinjirow sida: Xanuun daran iyo /ama barar lugaha midkood ah Naaso xanuun daran oo ku fidi kara gacanta bidix Neefqabatow kedis ah Qufac kedis ah oo aan sabab la yaqaan lahayn Madax-xanuun daran oo raaga oo aan caadi ahayn ama dhanjaf sii xumaanaya Indho-darrayn nus ah ama buuxda ama walxaha oo la laba arko. Adkaanta hadalka am karid la aanta hadalka Dawakhaad ama suuxdin kugu soo boodday ah Tamar darri, dareen aan caadi ahayn ama kabuubyooyin ku dhaca qayb jirka ka mid ah Mar walba si buuxda looma soo kabsado haddii Dhiigxinjirow kugu dhaco. Dhacdooyin naadir ah ayey iman karaan dhaawacyo joogto ah oo khatar ah, oo xiitaa wuxu 5

6 Dhiigxinjirowgu keeni karaa geeri. Wakaaladda dawooyinka Kansar Warbixinta hoos ku qoran waxa laga soo qaatay diraasaad ku saabsan dawooyinka la xoojiyey ee ka hortagga uurka ee afka laga qaato, waxaanay xiitaa qusayn kartaa NuvaRing. Ma jirto warbixin ku saabsan dawooyinka ka hortagga uurka ee hormoonnada ah ee siilka la geliyo (sida NuvaRing). Kansarka naasaha waxa badiyaaba laga helaa dumarka isticmaala kiniinka la xoojiyey ee ka hortagga uurka, laakiin lama soo xaqiijin inay sababtu tahay isticmaalkiisa. Waxay noqon kartaa tusaale ahaan in burooyinka ku dhaca dumarka isticmaala kiniinka la xoojiyey ee ka hortagga uurka hore loo ogaado badiyaaba, sababtoo ah waxay maraan baaritaanno dhakhtar oo fara badan. Halista koraysa ee kansarka naasuhu waxay si tartiib tartiib ah u yaraataa marka la joojiyo isticmaalka kiniinka la xoojiyey ee ka hortagga uurka. Waa muhiim in aad si joogto ah u baarto naasahaaga oo aad la xiriirto dhakhtarkaaga/umulisadaada haddii aad ka dareento naasahaaga wax kuusan. Sidoo kale waa in aad u sheegto dhakhtarkaaga/umulisadaada haddii qof qaraabo dhow kuu ahi qabo ama uu ku dhacay kansarka naasuhu (fiiri qaybta 2.2 Marka loo baahanyey taxadir dheeraad ah oo ku saabsan NuvaRing ). Dhacdooyin naadir ah oo buro-caanood ah iyo kuwo ka sii yar oo ah buro-bahalaad ayaa laga soo sheegaa dumarka isticmaala kiniinka ka hortagga uurka. Degdeg ula xiriir dhakhtarkaaga/umulisadaada haddii aad yeelato bog-xanuun daran. Dadka isticmaala kiniinka la xoojiyey ee ka hortagga uurka waxa laga soo sheegaa in kansarka xuubaxaleedka minka iyo kansarka ugxan-sideyaashu ay caadi ahaan yaryihiin. Laga yaabe inay taasi qusayso xiitaa NuvaRing laakiin lama xaqiijin. Isticmaalka dawooyinka kale Mar walba u sheeg dhakhtarkaaga/umulisadaada kuu qoray NuvaRing, dawooyinka ama dawooyinka dabiiciga ah ee aad markaa isticmaasho. Sidoo kale u sheeg dhakhaatiirta kale ama dhakhtarka ilkaha ee dawooyin kuu qora (ama shaqaalaha farmasiiga) in aad isticmaasho NuvaRing. Markaa waxay kuu sheegi karaan in aad u baahantahay inaad isticmaasho ka hortag uuraysi oo dhammaystir ah iyo weliba muddada aad wadayso. Dawooyinka qaarkood waxay sababi karaan dhibaatooyin khaas ah marka aad isticmaalayso dawooyinka hormoonnada ah ee ka hortagga uurka, sida NuvaRing oo kale. Waxa jira dawooyin yarayn kara saamaynta ka hortagga uurka ee NuvaRing ama sababi kara dhiigfuran lama filaan ah. Taasi waxay qusaysaa dawooyinka loo isticmaalo marka la daweynayo: - Suuxdinta/Qallal (tusaale ahaan primidon, fenytoin, barbiturater, karbamazepin, oxkarbamazepin, topiramat, felbamat) - tiibisho/ tiibii/qaaxo (tusaale ahaan rifampicin) - Infakshanka HIV (Tusaale ahaan ritonavir) - cudurada kale ee infakshanka (Antibiyootiga oo aanay ku jirin amoxicillin iyo doxycyklin oo aan iyagu u muuqan inay saamayn ku yeelanayaan sii daynta hormoonnada ee NuvaRing ). Dawada dabiiciga ah ee johannesört, waxay sidoo kale baajin kartaa inay NuvaRing u shaqayso sidii la rabay. Haddii aad rabto in aad isticmaasho dawooyinka dabiiciga ah ee uu ku jiro geedka johannesört, adiga oo markaaga hore isticmaalayey NuvaRing, waxa habboon in aad marka hore kala tashato dhakhtarkaaga/umulisadaada. NuvaRing waxay sidoo kale la falgeli kartaa saamaynta dawooyinka kale- sida 6

7 ciklosporin iyo dawada suuxdinta ee lamotrigin. Wakaaladda dawooyinka Waxad isticmaali kartaa caado-dhowr isla marka aad isticmaalayso NuvaRing. Is geli NuvaRing inta aanad gashan caado-dhowrka. Ku baraarugsanow marka aad iska bixinayso caado-dhowrka si aanay NuvaRing si qalad ah ugu soo raacin. Haddiise taasi dhacdo, ku mayr biyo qabow ama yara diirran oo dakhso dib isugu celi. Wax saamayn ah kuma yeelanayaan NuvaRing In lala isticmaalo dawooyinka dila shahwadda ama dawooyinka barkin-waraabaha ee siilka laga qaataa. Baaritaannada shaybaaryada Haddii aad u baahantahay in aad iska qaaddo shaybaar dhiig ama kaadiyeed, u sheeg dhakhtarkaaga in aad isticmaasho NuvaRing sababtoo ah waxay saamayn kartaa natiijada shaybaarrada qaarkood. Uurka iyo naas nuujinta Ma isticmaalayaan NuvaRing dumarka uurka leh ama tuhunsan inay uur yeelan karaan. Haddii aad uuraysato marka aad isticmaalayso Zoely, waa in aad joojiso isticmaalka Zoely oo aad la xiriirto dhakhtarkaaga/umulisadaada. Haddii aad uur yeelato muddada aad isticmaalayso, waxad iska soo bixinaysaa giraanta oo waxad la xiriiraysaa dhakhtarkaaga/umulisadaada Haddii aad rabto in aad joojiso isticmaalka NuvaRing adiga oo doonaya in aad uuraysato darteed, fiiri qaybta 3.5. Haddii aad joojinayso qaadashada NuvaRing. Guud ahaan laguma talinayo in la isticmaalo NuvaRing marka la nuujinayo naaska. Haddii aad rabto in aad isticmaasho NuvaRing marka aad nuujinayso, waa in aad la tashato dhakhtarkaaga/umulisadaada. Awoodda baabuur wadista iyo isticmaalidda mishiinada Ma jirto sabab loogu maleeyo in NuvaRing ay saamayn ku yeelanayso awoodda baabuur wadista. 3. SIDA AAD U ISTICMAALAYSO NUVARING Adiga ayaa is gelin kara NuvaRing iskana soo bixin kara. Dhakhtarkaaga/umulisadaada ayaa kuu sheegaya marka ugu horraysa ee aad bilaabayso isticmaalka NuvaRing. Giraan-siileedka waa in la geliyo maalinta saxda ah ee wareegga dhiigga caadadaada (fiiri qaybta 3.3: gelinta giraanta ugu horraysa ) oo ay ku jirto saddex wiig oo xiriir ah. Waa caado fiican ah in si joogto ah loo kontoroolo bal in giraantu ku jirto siilka. Wiigga saddexaad ka dib, ayaad soo bixinaysaa NuvaRing oo aad ka nasanaysaa hal wiig. Sida caadiga ah waxad helaysaa dhiiggaagii caadada wiiggaa dhexe ee bilaa giraanta ah gudahiisa. 3.1 Sida aad u gashanayso iyo sida aad isaga bixinayso NuvaRing, Kontorool inta aanad giraanta gashan in taariikhdii dhicitaanka aan la dhaafin (fiiri qaybta 5 sida loo xafidiyo NuvaRing ). Fara-xalo inta aanad gashan ama iska bixin giraanta. Waxad dooran kartaa qaabka kuu sahlan adiga, tusaale ahaan istaag adiga oo lugaha midkood kor u qaadaya, kadalloob u fariiso ama jiifso. Ka soo saar NuvaRing bacda dawada. Giraanta ku qabo suulka iyo murdisada dhexdooda, dhinacyada ka soo cadaadi oo giraanta geli siilka (fiiri sawirrada 1-4). Marka ay NuvaRing ku fadhido meeshii loogu talogalay, waxba ma dareemaysid. Haddii aad dareemayso dareen aan fiicnayn, hore ugu riix NuvaRing siilka. Meesha ay giraantu kaga sugantahay siilka, wax macno ah ma leh. NuvaRing waxa la soo bixinayaa 3 wiig ka dib. Taas waxad u samayn kartaa in aad farta murdisada ah kaga soo laabto geftinka hoose ee giraanta ama in aad si buuxda u qabato geftinga oo aad debedda u soo jiiddo (fiiri sawirka 5). Haddii aad NuvaRing ka dareemayso 7

8 Wakaaladda dawooyinka siilka dhexdiisa laakiin aanad debedda u soo saari karin, la xiriir dhakhtarkaaga/umulisadaada. Tuurista giraamaha la isticmaalay, ka fiiri qaybta 5 ee SIDA LOO XAFIDAYO NUVARING. Sawir 1 Sawir 2 Ka soo saar bacda dawada isku dhuufi giraanta Sawir 3 Dooro qaab raaxo leh si aad isu geliso giraanta Sawir 4A Sawir4B Sawir 4C Giraanta gacan keli ah ku geli siilka(sawir 4A), haddii loo baahdo waxa gacanta kale lagu kala qaban karaa faruuryaha siilka. Kor siilka ugu riix giraanta ilaa aad nefis ka dareemayso (Sawir 4B). U daa giraanta inay ku jirto 3 wiig (Sawir 4C). Sawir 5 NuvaRing waxa lagu soo bixin karaa in farta murdisada ah lagag soo laabo geftinka hoose ee giraanta ama in si buuxda loogu qabato geftinga murdisada iyo fardhaxada oo debedda loo soo jiido. 3.2 Saddex wiig way ku jiraysaa, hal wiigna way ka baxsanaanaysaa 8

9 Wakaaladda dawooyinka Laga bilaabo maalinta la geliyo giraan-siileedka, waa in ay meesha ku jirto 3 wiig oo aan marna laga bixin. 3 wiig ka dib waa la soo bixinayaa giraan-siileedka isla maalintii la geliyey oo kale iyo qiyaastii isla xilligii la geliyey oo kale. Tusaale ahaan haddii aad NuvaRing is gelisay maalin arbaco ah oo saacaddu tahay qiyaastii 22.00, markaa waxad giraanta soo bixinaysaa 3 wiig ka dib maalin arbaco ah markay saacaddu tahay qiyaastii Marka aad iska bixiso giraanta ka dib, ma isticmaalaysid wax giraan ah 1 wiig. Wiiggaas dhexdiisa waxay tahay in aad hesho dhiig macdanta ka yimaadda. Wuxu bilaabanayaa 2-3 maalmood ka dib markii la bixiyey NuvaRing. Is geli giraan cusub, hal wiig oo gaw ah ka dib (mar kale waa isla maalintii oo kale iyo qiyaastii isla wakhtigii oo kale), xiitaa haddii aanu dhiiggii joogsan. Haddii giraanta la geliyo 3 saacadood wax ka badan ka dib, waxa hoos u dhici kara waxtarkii difaaca uurka. Raac tilmaamaha ku hoos jira qaybta 3.4 waxa aad samaynayso haddii.. aad illowdo in aad is geliso giraan cusub muddada bilaa giraanta ah ka dib Haddii aad raacdo talada ku sheegan kor, wuxu dhiiggaaga caadadu imanayaa bil kasta qiyaastii isku wakhti. 3.3 Gelinta giraanta ugu horraysa Haddii aanad isticmaalin wax ka hortag uur oo hormoon ah bishii ugu dambaysay gudaheeda Is geli NuvaRing gaaga koowaad maalinta koowaad ee wareegga dhiiggaaga caadada dabiiciga ah (yacnii maalinta koowaad ee xaydka). NuvaRing markiiba way shaqaynaysaa. Uma baahnid in aad isticmaasho wax kale oo ah difaac uur ka hortag. Sidoo kale way soconaysaa in aad bilawdo NuvaRing maalinta 2aad ilaa 5aad ee dhiigga caadada, laakiin markaa waa in aad wareegga caadada koowaad isticmaasho difaac dheeraad ah, sida kondhom, haddii aad galmo samayso 7 cisho ee kuugu horraysa NuvaRing gudahooda. Tilmaamahan waxa u baahantahay in aad raacdo marka koowaad ee aad isticmaalayso NuvaRing. Haddii aad isticmaashay kiniinka la xoojiyey ee ka hortagga uurka bishii ugu dambaysay dhexdeeda Bilaw NuvaRing ugu dambayn maalinta ka dambaysa muddada bilaa kiniinka ah ee kiniinkaagii ka hortagga uurka. Sidoo kale haddii kiniinkaaga ka hortagga uurka ay ku jiraan kiniinno bilaa hormoon ah, bilaw ugu dambayn maalinta ka dambaysa kiniinka bilaa hormoonka ah ee ugu dambeeya. Haddii aanad hubin kiniinkaasi ka uu yahay, waydii dhakhtarkaaga/umulisadaada ama shaqaalaha farmasiiga. Marna ha yeelin in muddada bilaa hormoonka ah ee kiniinkaaga hadda ee ka hortagga uurka ay noqoto mid ka dheer wakhtiga lagu taliyey. Haddii aad u isticmaashay kiniinkaaga ka hortagga uurka si sax ah oo bilaa hakin ah oo aad hubto in aanad uur lahayn, waxad joojin kartaa kiniinada markii aad rabto, waxanad toos u bilaabi kartaa NuvaRing. Haddii aad isticmaashay balastar hormoon ah bishii u dambaysay gudaheeda Bilaw isticmaalka NuvaRing ugu dambayn maalinta ugu dambaysa muddada bilaa balastarka ah dabadeed. Marna ha yeelin in muddada bilaa balastarka ahi noqoto mid ka dheer wakhtiga lagu taliyey. Haddii aad u isticmaashay balastarka hormoonka si sax ah oo bilaa hakin ah oo aad hubto in aanad uur lahayn, waxad joojin kartaa balastarka hormoonka markii aad rabto, waxanad toos u bilaabi kartaa NuvaRing. Haddii aad isticmaashay kiniinka minipiller (kiniin ay ku jirto maaddada gestagen oo keli ahi) bishii ugu dambaysay dhexdeeda waad joojin kartaa minipillerkaaga maalintii aad doonto oo aad bilaabi kartaa NuvaRing Haddii aad u isticmaashay kiniinkaaga ka hortagga uurka si sax ah oo bilaa hakin ah oo aad hubto in aanad uur lahayn, waxad joojin kartaa kiniinada markii aad rabto, waxanad toos u bilaabi kartaa NuvaRing maalinta ku xigta, isla xilligii aad caadi ahaan qaadan lahayd kiniinkaaga. Si gaar ah ugu dadaal in aad isticmaasho difaac dheeraad ah (sida kondhom) 7da cisho ee kuugu horraysa NuvaRing. 9

10 10 Wakaaladda dawooyinka Haddii aad isticmaashay kiniin la isku duro ama la isku tolo ama gariirad sii daysa maaddada gestagen (IUD) bishii ugu dambaysay gudaheeda Bilaw isticmaalka NuvaRing marka aad qaadan lahayd duritaankaaga kale ama maalinta tolliinkaaga ama giraantaada sii daysa maaddada gestagen la soo bixin lahaa. Si gaar ah ugu dadaal in aad isticmaasho difaac dheeraad ah (sida kondhom) 7da cisho ee kuugu horraysa NuvaRing. Haddii aad ilmo dhasho ka dib Haddii aad hadda uun ilmo dhashay, laga yaabee in dhakhtarkaaga/umulisadaadu kuu sheegaan in aad sugto bilawga NuvaRing ilaa dhiiggaaga ugu horreeya ee caadiga ah. Mararka qaarkood waa suurtogal in aad hore u bilawdo. Dhakhtarkaagu/umulisadaadu waxay ku siin doontaa talobixin. Haddii aad nuujinayso naaska oo aad rabto in aad isticmaasho NuvaRing, waa in aad marka hore la tashato dhakhtarkaaga/umulisadaada.. Haddii aad dhiciso ama ilmo iska soo riddo ka dib Dhakhtarkaaga/umulisadaada ayaa talobixin ku siinaysa. 3.4 Waxa aad samaynayso.haddii giraantaadu si kamma ah uga soo baxdo siilka NuvaRing waxay si khalad ah uga soo bixi kartaa siilka, - tusaale ahaan haddii aan si sax ah loo gelin, marka la iska bixinayo caado-dhowrka, marka galmo la samaynayo, marka calooshu taagantahay ama haddii makaanku soo dhaco. Sidaa darteed waa muhiim in aad si joogto ah u hubiso in giraantu ku jirto siilka. Haddii giraantu ay ka baxsanayd siilka wax ka yar 3 saacadood, markaa weli waad ka difaacantahay uurka. Waxad ku dhaqdhaqi kartaa giraanta biyo qabow ama diirran (ha isticmaalin biyo kulul) oo aad ku celin kartaa. Markaa raac tilmaamaha ku jira ciwaanka ah ah 3.4 Waxa aad samaynayso. Haddii giraantaadu si aan rasmi ahay uga soo baxdo siilka. Haddii giraantaadu si aan rasmi ahayn uga soo baxdo siilka Marka NuvaRing ku jirto siilka waxa si tartiibtartiib ah loo soo deynayaa hormoonno si loo baajiyo uurka. Haddii giraantu ka baxsanaato siilka wax ka badan 3 saacadood, waxa dhici karta in aanad ka difaacnayn uuraysi. Sidaa darteed ma aha in giraan-siileeddu ka baxsanaato siilka wax ka badan 3 saacadood 24 saac gudahood. Haddii Giraan-siileedda si aan rasmi ahayn looga soo saaro siilka muddo ka yar 3 saaadood, wax saamayn ah kuma yeelanayso ammaankii ka hortagga uurka. Dib ayaad ugu celin kartaa giraanta laakiin ma aha 3 saacadood ka dib. Haddii giraantu ka baxsanaato ama la tuhunsanyahay inay ka baxsanayd wax ka badan 3 saacadood oo ah muddada lagu jiro wiigga 1aad ama ka 2aad gudihiisa, waxa dhici karta in ammaankii ka hortagga uurka la saameeyey. Dib ugu celi sida ugu dhakhsaha badan ee aad u xasuusato oo yaan laga saarin giraanta ugu yaraan 7 cisho. Isticmaal kondhom haddii aad galmo samaynayso 7da cisho ee ku xiga. Haddii ay dhacdo ka bixintu- wiigga ugu horreeya ee isticmaalka isla markaana aad galmo samaysay 7dii cisho ee ka horreeyey gudahooda, markaa waxa suurtogal ah in aad uur qaadday. Haddii arrintu sidaas tahay la xidhiidh dhakhtarkaaga/umulisadaada. Haddii giraantu ka baxsanaato ama aad tuhunsantay inay ka baxsanayd siilka muddo ka badan 3 saacadood oo ah wiigga 3aad gudihiisa, waxa dhici karta in ammaankii ka hortagga uurka la saameeyey. Iska tuur giraanta, dabadeedna samee doorashooyinkan midkood: 1. Is geli giraan cusub markiiba Gelinta la is geliyo giraan cusub ayey la bilaabanayaa xilliga 3da wiig ee ku xigaa. Waxa dhici karta in aanad helin wax caado ah, laakiin dhiig furan badan ama dhibicdhibic ah ayaa iman kara. 2. Ha is gelin giraan cusub. Sug dhiiggaaga caadada, dabadeedna is geli giraan cusub ugu dambayn 7 cisho ka dib markii giraantii hore la saaray ama ay soo baxday. Doorashadan waxad yeelaysaa uun haddii aad giraanta si joogto ah u isticmaashay 7dii cisho ee la soo dhaafay.

11 Wakaaladda dawooyinka Haddii giraantaadu dillaacdo Marar dhif iyo naadir ah ayey NuvaRing dillaacdaa. Haddii aad ogaato in giraantaadu dillaacday, waad soo bixinaysaa giraanta oo mid cusub ayaad sida ugu dhakhsaha badan isu gelinaysaa. Isticmaal difaac dheeraad ah sida kondhom 7da cisho ee ku xiga. La xiriir dhakhtarkaaga /umulisadaada haddii aad galmo samaysay intii aanay giraantaadu dillaacin. Haddii aad is geliso wax ka badan hal giraamood Ma jiraan warbixino ku saabsan dhaawacyo halis ah oo ka dhasha isku badinta hormoonnada ku jira NuvaRing. Haddii aad si qalad ah isu geliso wax ka badan hal giraan, waxad dareemi kartaa jirro (yalaalugo), mantag ama dhiig xagga macdanta ah. Iska soo bixi giraanta dheeraadka ah oo la xiriir dhakhtarkaaga, isbitaal ama xarunta warbixinta sunta (telefoon 112) haddii ay astaamaha xanuunku sii jiraan. Haddii aad illowdo in aad is geliso giraan cusub muddada bilaa giraanta ah ka dib Haddii muddadaada bilaa giraanta ahi ahayd mid ka dheer 7 cisho, is geli giraan cusub marka ugu horraysa ee aad xasuusato. Isticmaal difaac dheeraad ah (sida kondhom) haddii aad galmo samaynayso 7da cisho ee ku xiga dhexdooda. Haddi aad galmo samaysay muddadii bilaa giraanta ahayd dhexdeeda, waxa dhici karta in aad uuraysatay. Haddii arrinku sidaas yahay si dhakhso ah ula xiriir dhakhtarkaaga/umulisadaada. Markasta oo ay dheeraato muddada bilaa giraanta ahi, waxa sii badanaya halista ah inaad uuraysato. Haddii aad illowday in aad iska bixiso giraanta Haddii giraantaadu kugu jirto muddo u dhaxaysa 3 iyo 4 wiig, weli way kaa difaacaysaa uurka. Bilaw muddadaada bilaa giraanta ah wiig dhexdii, dabadeedna is geli giraan cusub. Haddii giraantaadu kugu jirto wax ka badan 4 wiig, waxa dhici karta in aad uur qaaddo. La xiriir dhakhtarkaaga/umulisadaada inta aanad is gelin giraan cusub. Haddii dhiiggaagii caadadu baaqdo Haddii aad NuvaRing u isticmaashay si waafaqsan tilmaamaha. Haddii dhiigaagii caadadu baaqdo laakiin aad NuvaRing u soo isticmaalaysay si waafaqsan tilmaamaha oo aanad isticmaalin dawooyin kale, lagama yaabo in aad uuraysatay. Sidii caadiga ahayd u sii wado NuvaRing. Haddii caadadu ay baaqato laba jeer oo isku xiga, waxa dhici karta in aad uuraysatay. Markaa si dhakhso ah ula xiriir dhakhtarkaaga/umulisadaada. Ha bilaabin NuvaRing-taada xigta ilaa dhakhtarkaagu/umulisadaadu hubsato in aanad uur lahayn. Haddii aad aanad raacin tilmaamaha quseeya NuvaRing Haddii dhiiggii caadadu baaqday, adiguna aanad raacin tilmaamaha quseeya NuvaRing oo aanad helin dhiiggii aad heli lahayd muddada bilaa giraanta ah, waxa dhici karta in aad uuraysatay. La xiriir dhakhtarkaaga/umulisadaada inta aanad is gelin giraan cusub. Haddii aad yeelato dhiig aan la filayn Marka la isticmaalayo NuvaRing waxa ku dhici kara dumarka qaarkood dhiig xagga macdanta ah oo lama filaan ah, labada dhiig dhexdooda. Waxa dhici karta in loo baahdo in la isticmaalo caadodhowr. Mar walba waa in giraanta loo daayo siilka oo si caadi ah loo sii isticmaalo giraanta. Haddii ay sii socdaan, sii xoogaystaan ama soo noqnoqdaan dhiigagga aan caadiga ahayni, markaa la xiriir dhakhtarka/umulisada. Haddii aad rabto in aad beddesho maalinta koowaad ee dhiiggaaga caadada Haddii aad NuvaRing u isticmaasho sida loogu talogalay, waxad helaysaa dhiiggaaga caadada muddada bilaa giraanta ah dhexdeeda. Haddii aad rabto in aad beddesho maalinta uu bilaabanayo, waxad soo gaabin kartaa muddada bilaa giraanta ah (laakiin weligaa ha dheerayn). Tusaale ahaan, haddii caadadu bilaaban jirtay maalin jimce ah, waxad u bedeli kartaa maalin talaado ah(3 maalmood oo soo hormarin ah) laga bilaabo bisha ku xigta iwm. Haddii aad ka dhigto muddada bilaa giraanta ah mid aad u gaaban (tusaale ahaan3 maalmood ama ka yar), waxa dhici karta in aanad yeelan dhiiggaagii caadiga ahaaba. Waxad yeelan kartaa dhiig dhibicdibic ah (dhibco ama barabaro dhiig ah) ama dhiig burqada marka aad isticmaalayso giraanta ku xigta. Haddii aanad hubin sida aad samaynayso, talobixin ahaan ula xiriir 11

12 dhakhtarkaaga/umulisadaada. Wakaaladda dawooyinka Haddii aad rabto in aad dib u dhigto dhiiggaaga caadada Xiitaa haddii aanay ahayn habdhaqan la isku dhiirrigelinayo, haddana waxa suurtogal ah in dib loo dhigo dhiigga caadada ayada oo la is gelinayo giraan cusub isla markaa ta kugu jirta dabadeed, yacnii ayada oo aan loo dhaxaysiin muddo bilaa giraan ah. Waxad giraanta labaad deyn kartaa inay kugu jirto ilaa 3 wiig. Marka aad isticmaalayso giraanta cusub, waxad heli kartaa dhiig yar oo dhibicdhibic ah (dhibicdhibic ama barbaro dhiig ah) ama dhiig burqasho ah. Marka aad rabto in dhiiggii caadadu soo noqdo, waxad iska saartaa uun giraanta. Muddadaadii bilaa giraanta ahayd oo wiig ah qaado dabadeedna is geli giraan cusub. Waxad waydiin kartaa dhakhtarkaaga/umulisadaada talobixin inta aanad go aansan in aad dib u dhigto caadada. Haddii aad joojinayso isticmaalka NuvaRing Waad joojin kartaa NuvaRing markii aad doonto. Haddii aanad rabin in aad uuraysato kala tasho dhakhtarkaaga/umulisadaada hab kale oo ka hortag uur. Haddii aad u joojinayso NuvaRing in aad rabto inad uuraysato darteed, waxa lagugula talinayaa in aad sugto ilaa aad helayso dhiig caado oo dabiici ah ka hor inta aanad isku deyin in aad uuraysato. Taasi waxay kaa caawinaysaa in la xisaabiyo marka ilmuhu dhalanayo. 4. WAXYEELLOOYINKA JIRI KARA Sida dawooyinka oo dhan, waxay NuvaRing yeelan kartaa waxyeellooyin laakiin adeegsade kastaa wax kuma noqdo. Falcelisyo daran oo lagala kulmo NuvaRing iyo astaamaha xiriirka la leh, waxa lagu sharraxayaa: 2.2. Dhiigxinjirowyada (Tromboser) (astaamaha ugu waaweyn ee Dhiigxinjirowga waxa ka mid ah: xanuunno aan caadi ahayn, lugo-barar, naasoxanuun iyo dhibaato xagga neefsashada ah. Haddii aad tuhunsantahay in aad yeelatay calaamado Dhiigxinjirow, iska saar NuvaRing oo si degdeg ah ula xiriir dhakhtarkaaga) iyo kansar. Haddii aad xasaasiyad ku leedahay wax ka mid ah maaddooyinka ku jira NuvaRing (elerji), waxad isku arki kartaa astaamahan soo socda: Caano-gocato (barar ah wejig, carrabka iyo/ama luqunta iyo/ama dhibaato xagga wax liqidda ah) ama finan ay weheliyaan neefsashada oo ku dhibta. Haddii aad waxaas dareento, iska bixi NuvaRing oo toos ula xiriir dhakhtarkaaga. Waxyeellooyinka soo socda ayaa lala xiriiriyaa NuvaRing. Waxyeeellooyin Caadi ah (ku dhaca wax ka badan 1, 100kii dumar ahba laakiin ka yar 1 10kii dumar ahba) Vanliga biverkningar (förekommer hos fler än 1 av 100, men färre än 1 av 10 kvinnor) Bog-xanuun, dareen jirro (yalaalugo) Infakshan barkin-waraabe oo siilka ah (sida torsk ), xanuun la xiriira giraanta, cuncun hoosta ah, qoyaan siilka ka oo baxa Madax-xanuun ama dhanjaf, niyadjabsanaan, doonista galmada oo yaraata Naaso-xanuun, dhiig caado oo xanuun badan findoob miisaanka oo kordha giraanta oo jirku debedda u soo tuuro Waxyeellooyin aan sidaas caadi u ahayn (ku dhaca wax ka badan 1, 1000kii dumar ahba laakiin ka yar 1 100kii dumar ahba) Aragga oo dhantaalma, dawakhaad Calool buuran, mantag, shuban ama calool istaag Daal, niyad xumo ama xanaaq, isbedbeddel dabeecadeed, is rogrog dabeecadeed biyo badan oo jirka ku urura (Ödem) Kaadi-haysta oo nabarro yeelata ama infakshan gala kaadi mareenka 12

13 Wakaaladda dawooyinka Dhibaato ama xanuun la dareemo marka la faaruqinayo kaadi-haysta; hamuun adag iyo baahi loo qaado in la faaruqiyo kaadi haysta, baahi kaadiyeed oo isku dhadhow dhibaato xagga galmada ah sida xanuun, dhiig ama in lammaanuhu dareemo giraanta Cadaadiska dhigga oo kor u kaca Doonista cuntada oo kor u kacda Dhabar xanuun, muruq-kog, xanuun lugaha iyo gacmaha ah Dareenka maqaarka oo yaraada Naaso hafeefta ama weynaada, naaso xanuun kurximo ah (buurbuur naasaha ah oo barari kara ama xanuun ah) dhuunta makaanka oo xanuunta; cervixpolyp (dhuunta makaanka oo korta); afka makaanka hareerihiisa oo weynaada (ektopi) Isbedel habkii dhiigga caadada lagu yaqiin (tusaale ahaan dhiig xoog ah, dhiig wakhti dheer ah, dhiigga oon nadaam yeelan ama isaga oo iskaba baaqda); misko-xanuun, xanuunsi caadada horteed (PMS) makaanka oo koga. infakshan ku dhaca siilka (barkinwaraabe ama bakteeriyo); dareen gubasho ah, xur qadhmuun, kaar, sillanaan ama qallayl siilka ah Timo daata, cambaar, cuncun, finan ama dhiigroor, giraanta oo dillaacda Waxyeellooyinka naadirka ah ee la soo sheegay markii NuvaRing loo ansixiyey iibinta waa kuwan soo socda: finan, gus-xanuun ku dhaca lammaanaha (sida xasaasiyad, finan, cuncun). Haddii waxyeellooyinka qaar sii xumadaan ama aad aragto waxyeellooyin aan halkan lagu xusin, la xiriir dhakhtarkaaga/umulisadaada ama shaqaalaha farmasiiga. 5. SIDEE LOO XAFIDAYAA NUVARING Waxa la dhigayaa meel aanay carruurtu arki karin oo aanay tiigsan karin. Haddii aad aragto in ilmo yar ay soo gaareen hormoonnada ku jira NuvaRing, talobixin ahaan ula xiriir dhakhtar, isbitaal ama xarunta warbixinta sunta (telefoon 112) Waxa lagu xafidayaa baakadda asalka ah. Waxa lagu xafidayaa meel heerkulkeedu yahay ugu sarrayn 30ºC. Way u nugushahay iftiinka. Way u nugushahay qoyaanka. Ha is gelin NuvaRing haddii lagu soo siiyey wax ka badan 4 bilood ka hor, ama haddii ay taariikhdii dhicitaanku dhaaftay. Taariikhdii la bixiyey iyo taariikhda dhicitaanka labadaba waxa lagu xusay kartoonka iyo bacda dawada labadaba. Ha isticmaalin NuvaRing haddii aad ku aragto giraanta wax isbedel midab ah ama calaamad muujinaysa in tayadiisii xumaatay. Giraamaha aad isticmaasho u tuur siyaabahan soo socda: Isticmaalka ka dib, waxa giraanta weli ku sii jira walxo u shaqaynaya hormoonno ahaan oo bey ada ku yeelan kara saamayn dhaawac ah haddii ay ku dhacdo wareegga biyaha. Sidaa darteed ha raacin NuvaRing biyaha suuliga. Giraanta la isticmaalo waxa lagu dhaqdhaqayaa biyo oo waxa dib loo gelinayaa galka dawada ee dib loogu celiyo, dabadeed waxa loo dhiibayaa farmasiiga si loo burburiyo. Haddii degmadaadu gubto qashinka, markaa giraanta waa lala tuuri karaa la isticmaalka qashinka kale ee xaafadda. 6. MACLUUMAAD DHEERAAD Caddaynta waxa ku jira Walxaha firfircooni waa: etonogestrel (11,7 mg) iyo etinylestradiol (2,7 mg). Maaddooyinka kale ee ku jiraa waa: etylenvinylacetat co-polymer (nooc caag ah oo aan ku milmahayn jirka), magnesiumstearat. Etonogestrel iyo etinylestradiol waxay giraanta kaga soo baxayaan midkiiba xaddi u dhigma 0,120 13

14 mg/24kii saac iyo 0,015 mg/24kii saac 3 wiig gudahood. Wakaaladda dawooyinka Muuqaalka dawada iyo qiyaasta ay leegyihiin baakaduhu NuvaRing waa giraan jilicsan, khafiif ah, bilaa midab ah ama bilaa midab ku dhow oo 54 mm ah. Giraan kastaa waxay ku jirtaa gal daweed bac ah oo dib loogu soo celin karo. Bacda dawada waxa lagu soo ridayaa kartoon waraaq ah ayada oo ay weheliso xaashidan macluumaadku. Baakad kasta waxa ku jira 1 ama 3 giraamood. Cidda haysata ruqsadda iibinta iyo cidda samaysay Cidda haysata ruqsadda iibinta: N.V. Organon, P.O. Box 20, 5340 BH Oss, Nederlaan Cidda samaysay:: N.V. Organon, P.O. Box 20, 5340 BH Oss, Nederlaan Organon Irland Ltd., Drynam Road Swords, Co. Dublin, Irland Cidda wakiilka uga ah Iswiidhan: Merck Sharp & Dohme (Sweden) AB, Box 7125, Sollentuna telefoon: Dawadan waxa waddama wada shaqaynta dhaqaalaha ee Yurub lagaga ansixiyey, magaca ah: NuvaRing 0,120 mg/0,015 mg, 24kii saac ba, siil gelis. Biljam, Bulgaariya, Qubrus, Dheenmaarig, Istooniya, Fiilaan, Faransiis, Giriig, Ayrlaan, Ayslaan, Talyaani, Laatvia, Litweyniya, luksumboori, Maalta, Nederlaan, Noorwey, Boolan, Boortaqiis, Romaaniya, Islofaakiya, Islofeeniya, Isbayn, Ingiriis, Iswiidhan,Jamhuuriyadda Jeegga, Jarmal, Hangari, Osteriya. Xaashidan macluumaadka waxa la ansixiyey markii ugu dambaysay Warbixin ku saabsan dawadan waxa laga helayaa bogga internetka ee wakaaladda dawooyinka. 14