Aare (Skatten) Stina oli lapsesta saakka tietäny ette hän yhtenä päivänä löytää yhen aartheen. (Stina hade ända från barnsben vetat att hon skulle en dag finna en skatt). Monet tuulet ja tuiskut se oli käyny läpi eikä yhthään aaretta ollu näkyny. (Många vindar och stormar hade hon gått igenom och ingen skatt hade varit synlig). Yhtenä erityisenä päivänä se päätti ette aare häätyy tulla framile. (En säregen dag bestämde hon sig att skatten skulle komma fram). Se valmisti itten ensin oiken puhthaaksi ja pyhäpukhuun ette se rohki saatto ottaa vasthaan aartheen. (Hon förberedde sig först genom att göra sig riktigt ren och högtidsklädd för att verkligen kunna ta emot skatten). Pane pyhäpuku sille pääle: Sitte se lähti methään hakheen. (Sen gick hon ut i skogen för att leta). Se tiesi ette sitä ei ilman hakematta löytäny. (Hon visste att man inte skulle hitta den utan att leta). Se haki puita minkä alta se saattais löytyä. (Hon sökte efter träd under vilka den skulle kunna finnas). Se ymmärsi ette se ei joka puun alla saattanu olla. (Hon förstod att den inte kunde vara under vilket träd som helst). Mikhään näistä puista se saatto olla? (Vilken av dessa träd skulle det kunna vara?). Puu piti saa paljon aurinkoa, vettä, hyvvää maata ja vähän tuultaki. (Trädet måste få mycket sol, vatten, god jord och lite vind också). Jos sie halvat seurata Stinaa löytämhään aartheen niin tehe näin: (Om du vill följa Stina till att finna skatten så gör så här:) Sie et saa alkaa varsin kaivamhaan. (Du får inte börja gräva på en gång). Sie hääyt marsia varovasti ympäri puun ja kattoa tarkasti ja ko näet erityisen vihreän kasvin niin pyssäytä siihen. (Du måste gå försiktigt runt trädet och titta noggrant
och när du ser en speciellt grön växt så stanna där). Siinä oon paljon kauhniita marjoja ympäristössä. (Det finns mycket vackra bär runtomkring där). Sie et saa ottaa yhthään niistä suuhun. (Du får inte ta något av dem i munnen). Net oon myrkyliset. (Dom är giftiga). Näyttävät vain hyvältä. (Ser bara vackra ut). Sen vihreän kasvin eessä sie hääyt olla varovainen ja kuunella. (Framför den gröna växten måste du vara försiktig och lyssna). Ääniä oon vaikka minkälaisia. (Röster finns av alla de slag). Älä seuraa joka ääntä. (Följ inte varje röst). Tehe sen jälkhiin niinko se ääni sannoo mikä ei kutista korvassa mutta mikä sie itte ymmärät ette se oon oiken. (Gör efter den rösten som inte kliar i öronen men som du förstår är rätt). Sitte sie olet oikella tielä. (Då är du på rätt spår). Nyt sie saat alkaa hakheen aaretta. (Nu får du börja söka efter skatten). Kaiva varovaisesti! (Gräv försiktigt!) Koko ajan ko sie kaivat niin ääni antaa sulle ohjeita. (Hela tiden som du gräver så kommer rösten att ge dig råd). Seuraa aina valoa. (Följ alltid ljuset). Viimen sie lövvät semmosen kirkhaan rasian. (Till slut hittar du en gyllene ask). Mutta sitä ei saa aukasta ennenko sie annat lunastushinnan. (Men du får inte öppna den innan du ger lösenpriset). Lunastushinta oon semmoset sanat jokka tekevät sinun kaverin iloseksi. (Lösenpriset är sådana ord som gör din kamrat glad). Freistaa sanoa net sanat ja rasia aukenee. (Försök säga dom orden och asken öppnar sig). Vie sitte se aare suusta suuhun. (För sedan denna skatt från mun till mun). Tehtävä: 1) Riittaa pyhäpuku Stinale. (Rita högtidsdräkten åt Stina). 2) Riittaa se mettä mistä Stina haki. (Rita skogen där Stina sökte). 3) Riittaa se puu minkä alta Stina löysi aartheen. (Rita trädet under vilket Stina hittade skatten). 4) Riittaa marjat mikkä olit myrkyliset ja anna esimerkkiä mitä ei sais tehhä elämässä. (Rita bären som man var giftiga och ge exempel på saker man inte får göra i livet). 5) Milläs mallila elämässä saattaa olla varovainen? (På vilket sätt kan man vara försiktig i livet?)
6) Anna esimerkkiä mitä ääni saattaa sanoa. (Ge exempel på vad rösten kan säga) 7) Riittaa aare ja valo ja anna esimerkkiä mikä saattaa olla valo. (Rita skatten och ljuset och ge exempel på vad som kan vara ljuset). 8) Anna esimerkkiä sanoista mikkä tekevät sinun kaverin iloseksi. (Ge exempel på ord som gör din kamrat glad). Stina Rova
1) Mitäs Stina oli lapsesta saakka tietäny? (Vad hade Stina vetat sedan barnsben?) 2) Mitäs se oli käyny läpi? (Vad hade hon gått igenom?) 3) Mitäs se päättii yhtenä erityisenä päivänä? (Vad bestämde hon sig för en speciell dag?) 4) Kunkas se valmisti itten? (Hur förberedde hon sig?) 5) Miksi se pani pyhäpukun pääle? (Varför satte hon på sig högtidsdräkten?) 6) Mihinkäs se lähti hakheen? (Vart gick hon för att leta?) 7) Milläs aartheen piti löytä? (Hur skulle skatten hittas?) 8) Minkäs alla aarte piti olla? (Var skulle skatten vara?) 9) Mitäs puu piti saa? (Vad skulle trädet få?) 10) Kunkas monta oksaa puussa piti olla? (Hur många grenar skulle trädet ha?) 11) Ko löytä puun, mitäs hääty ensis tehhä?
(När man hittar trädet, vad ska man först göra?) 12) Mitäs siinä ympäristössä oli? (Vad fanns i dess omgivning?) 13) Miksis niitä ei saa otttaa suuhun? (Varför får man inte ta dem i munnen?) 14) Mitäs sen vihreän kasvin eessä hääty tehhä? (Vad måste man göra framför den gröna växten?) 15) Minkäs jälkhiin hääty tehhä? (Vad ska man göra efter?) 16) Mitäs hääty aina seurata? (Vad måste man alltid följa?) 17) Kunkas se rasia aukennee? (Hur öppnas asken?)